Ne besojmë se teknologjia nuk zëvendëson mjekun — ajo e fuqizon atë.
Çdo rrahje e zemrës është e çmuar. Prandaj në Klinikën Kardiologjike Austriake kemi krijuar një hapësirë ku çdo shërbim kardiologjik gjendet pranë jush. Nga diagnostikimi i hershëm te trajtimi i specializuar – kujdesi për zemrën tuaj është misioni ynë i përditshëm
Çdo test, çdo analizë, çdo matje, për të garantuar që çdo rezultat është i saktë dhe çdo vendim mjekësor është i sigurt.
Holter ritmi dixhital 24 orësh
Aparaturë e dixhitalizuar me 12 kanale e cila siguron regjistrimin 24 orësh të ritmit të zemrës si edhe skanimin e gjithë materialit të mbledhur duke krijuar mundësinë e një filtrimi të qartë të gjithë problemeve të kostatuara nga holteri.
Rekomandohet në ndjesinë e palpitacioneve, në vlerësimin e episodeve intermitente të aritmive, në vlerësimin e gjëndjeve sinkopale apo të fiktit me origjine kardiake, në vlerësimin e çrregullimeve të përçimit, në vlerësimin e pauzave në zemër, në vlerësimin e efikasitetit të mjekimit me antiaritmike etj.
Prova ushtrimore me tapet ose biçikletë
Elektrokardiogramë (EKG)
Testimi zgjat rreth 10 min ( por kontrolli juaj zgjat më shumë në varësi të problematikës dhe rezultatit të testimit Ju do të shoqëroheni në dhomën e EKG nga mjekët tanë nga ku në kraharorin tuaj do tju vendosen disa ngjitësa të vogla elektroda të cilat regjistrojnë aktivitetin e zemrës suaj.
Disa ngjitëse te tjera mund të vendosen gjithashtu në krahët tuaj. Gjatë kësaj kohe EKG do të regjistrojë aktivitetin dhe regjistrojë në letër për secilën nga ngjitëset sensor rezultatin që vjen nga kjo e fundit.
Me tu ngjitur ngjitëset aktiviteti EKG do të regjistrohet në letra grafike. Ju nuk do të ndjeni gjë gjatë regjistrimit dhe analizës së EKG.
Eko Kardiake 3D
Zemra është një mrekulli që punon pa pushim – dhe për ta kuptuar më mirë, ne përdorim teknologjinë më të avancuar. EKO Kardiake 3D e Philips na jep pamje të gjalla të zemrës suaj, duke treguar me detaje dhomat, valvulat dhe muret e saj.
Kjo na lejon të vendosim diagnoza të sakta dhe të kujdesemi për shëndetin e zemrës suaj me besim dhe përpikmëri.
Holter Tensioni dixhitalizuar 24h
Teknologji diagnostikuese moderne
Në Klinikën Kardiologjike Austriake, çdo ekzaminim realizohet me aparatura të avancuara dixhitale, që sigurojnë diagnostikim të saktë, të shpejtë dhe të besueshëm.
Ne përdorim teknologjinë si mjet për të parë më thellë, për të analizuar më qartë dhe për të kuptuar më saktë gjendjen e zemrës suaj.
Në klinikën tonë, aparaturat më të avancuara janë në shërbim të asaj që ka më shumë rëndësi — zemrës suaj. — shëndetit tuaj.
Zemra Juaj, Prioriteti Ynë
Ne ofrojmë një gamë të plotë shërbimesh diagnostikuese dhe laboratorike në fushën e kardiologjisë, të mbështetura nga teknologjia më e avancuar dhe një staf i specializuar sipas protokolleve mjekësore të Austrisë.